భారత సంతతి శాస్త్రవేత్తకు నోబెల్

స్టాక్ హోమ్: అమెరికాలోని భారత సంతతి శాస్త్రవేత్త వెంకట్రామన్ రామకృష్ణన్ కు రసాయన శాస్త్రంలో నోబెల్ బహుమతి లభించింది. అమెరికాకు చెందిన థామస్ స్టెయిట్జ్, ఇజ్రాయిలీ అదా యోనత్లలతో పాటు వెంకట్రామన్ రామకృష్ణన్ కు ఈ నోబెల్ బహుమతి లభించింది. అణు స్థాయిలో కణాల్లో ప్రోటీన్లను ఉత్పత్తి చేసే ఫ్యాక్టరీలు రైబోజోమ్స్ మ్యాపింగ్ కు గాను వారు 2009కి గాను రసాయన శాస్త్రంలో నోబెల్ బహుమతికి ఎంపికయ్యారు.

వారి పరిశోధన జీవిత శాస్త్రీయ అవగాహనకు, వివిధ వ్యాధులను నయం చేసే యాంటిబయోటిక్ మందుల అభివృద్ధికి ఉపయోగపడుతుందని రాయల్ స్వీడిష్ అకాడమీ ఆఫ్ సైన్సెస్ తెలిపింది. యోనత్ రసాయన శాస్త్రంలో నోబెల్ బహుమతి పొందిన నాలుగో మహిళ. 1964లో బ్రిటన్ కు చెందిన డోరొట్టీ క్రోఫుట్ హాడ్కిన్ రసాయన శాస్త్లంలో నోబెల్ బహుమతి పొందారు. రసాయన శాస్త్రంలో నోబెల్ స్వీకరించిన తొలి మహిళ ఈమెనే.