ఒబామాకు నోబెల్ శాంతి బహుమతి

ఓస్లా: అత్యంత ప్రతిష్టాత్మకమైన నోబెల్ శాంతి బహుమతి 2009కి గాను అమెరికా అధ్యక్షుడు బరాక్ ఒబామాకు దక్కింది. అణ్వస్త్రవ్యాప్తి నిరోధానికి కృషి చేస్తూ ప్రపంచ శాంతి కోసం పనిచేసినందుకు గాను ఒబామాకు ఈ బహుమతి లభించింది. ఈ అవార్డు కోసం 205 మంది పోటీ పడ్డారు. ఈ పోటీలో ఒబామా ముందున్నారు.

అమెరికా అత్యున్నత పదవిని అధిష్ఠించిన తొలి ఆఫ్రికన్ - అమెరికన్ ఒబామా నిరాయుధీకరణకు పిలుపునిచ్చారు. ఆగిపోయిన మధ్య ప్రాచ్య శాంతి చర్చల పునరుద్ధరణకు కృషి చేశారు. జనవరిలో ఆయన అమెరికా అధ్యక్షుడిగా పదవీ బాధ్యతలు చేపట్టారు. ఏడాది లోగానే అసాధారణమైన అంతర్జాతీయ స్థాయిలో అసాధారణ దౌత్య కృషి చేసినందుకు ప్రశంసలు అందుకున్నారు.