శ్వేత సౌధంలో ఒబామా దీపావళి

వాషింగ్టన్: అమెరికా అధ్యక్షుడు బరాక్ ఒబామా వచ్చే వారం అక్టోబర్ 14వ తేదీన శ్వేతసౌధంలో దీపావళి పర్వదినాన్ని నిర్వహించుకుంటారు. ఒబామా దిపావళి పర్వదినాన్ని జరుపుకుంటారని శ్వేతసౌధం వర్గాలు ప్రకటించాయి. ఈ సందర్భంగా ఆయన ఆసియన్ అమెరికన్, పసిఫిక్ ఐలాండర్ల సమస్యల పరిష్కారానికి ఆయన అడ్వయిజరీ కమిషన్, ఇంటర్ ఏజెన్సీ వర్కింగ్ గ్రూప్ ఏర్పాటకు ఎగ్జిక్యూటివ్ ఆర్డరుపై ఆయన సంతకాలు చేస్తారు.

శ్వేత సౌధంలో దీపావళి పర్వదినం వేడుకలు జార్జి బుష్ హయాంలోనే ప్రారంభమయ్యాయి. అయితే ఈ వేడుకల్లో ఆయన ఏనూడూ పాల్గొనలేదు. ఆయన ఉన్నతాధికారులు ఆ వేడుకలు నిర్వహించుకోవడానికి వీలుండేది. అవి ప్రధాన శ్వేతసౌధంలో కూడా జరిగేవి కావు. దానికి కలిపి ఉన్న భవనంలో జరిగేవి. శ్వేతసౌధం ఈస్ట్ రూంలో ఈ వేడుకలు జరగడం ఇదే ప్రథమం. పైగా ఒబామా స్వయంగా ఈ వేడుకల్లో పాల్గొంటారు.