ముగ్గురు దావూద్ అనుచరుల అరెస్టు

బెంగుళూర్: గన్ లు సరఫరా చేస్తున్న అండర్ వరల్డ్ డాన్ దావూద్ ఇబ్రహీం మనుషులను ముగ్గురిని కర్నాటక రాజధాని బెంగుళూర్ పోలీసులు అరెస్టు చేశారు. జార్ఖండ్, ఉత్తరప్రదేశ్ లో మరో ముగ్గురు దావూద్ ఇబ్రహీం అనుచరులను అరెస్టు చేసిన నేపథ్యంలో బెంగుళూర్ పోలీసులకు ఈ అరెస్టులు చేశారు. బానాశంకరికి చెందిన మొహమ్మద్ అయూబ్ (28), హోస్ కేట్ కు చెందిన ఫైరోజ్ (32), అన్సార్ (22)లను పోలీసులు అరెస్టు చేశారు.

వారి నుంచి పోలీసులు పిస్టల్ ను, మూడు రివాల్వర్లను, 21 రౌండ్ల ఆయుధ సామగ్రిని స్వాధీనం చేసుకున్నారు. ఈ ముగ్గురు వ్యక్తులు ఆయుధ తయారీ కర్మాగారాన్ని నెలకొల్పి యుఎస్ ట్యాగ్ తో గన్ లను అమ్ముతున్నట్లు పోలీసులు తెలిపారు. బెంగుళూర్ లో అండర్ వరల్డ్ ప్రపంచానికి సంబంధించి ఇది చిన్నది మాత్రమేనని అంటున్నారు. గత నెల పోలీసులు గన్ రన్నింగ్ రాకెట్ ను పోలీసులు అరెస్టు చేశారు.