నమిత జగన్మోహినికి హైకోర్టు బ్రేక్ లు

చైన్నై: దక్షిణాది చిత్రాల బొద్దుగుమ్మ నమిత నటించిన జగన్మోహిని చిత్రం విడుదలకు మరోసారి బ్రేక్ పడింది. ఈ చిత్రం విడుదలకు మద్రాసు హైకోర్టు మంగళవారం బ్రేక్ వేసింది. ఈ సినిమా విడుదలను ఈ నెల 20వ తేదీ వరకు వాయిదా వేస్తూ హైకోర్టు ఆదేశాలు జారీ చేసింది. తనకు తెలుగు నిర్మాత మురళి హెచ్ 12 లక్షల రూపాయలు చెల్లించాల్సి ఉందని ఆరోపిస్తూ తమిళ నిర్మాత ఎఎస్ ఆళగప్పన్ మద్రాసు హైకోర్టుకు ఫిర్యాదు చేశాడు.

నమిత ఈ సినిమాపై ఎన్నో ఆశలు పెట్టుకుంది. ఈ నెల 17వ తేదీన దీపావళి పర్వదినం రోజు ఈ సినిమా విడుదల కావాల్సి ఉంది. ఇప్పటికే ఈ సినిమా విడుదల ఒకసారి వాయిదా పడింది. సెప్టెంబర్ 25వ తేదీన ఈ సినిమాను విడుదల చేయాలని తొలుత భావించారు. అయితే సినిమా పోస్ట్ ప్రొడక్షన్ వర్క్ పూర్తి కాకపోవడంతో అది వాయిదా పడింది. ఇప్పుడు ఈ నెల 17వ తేదీన విడుదల చేయాలని భావించారు. అయితే హైకోర్టు దానికి బ్రేక్ లు వేసింది. ప్రస్తుతం దాని విడుదల తేదీని నవంబర్ 6గా ఖరారు చేసినట్లు సమాచారం.