జగన్ ముఖ్యమంత్రి కావాలన్నదే కోరిక: రఘువీరా

హైదరాబాద్: వైయస్ జగన్ ముఖ్యమంత్రి కావాలన్నదే తమ కాంగ్రెసు మెజారిటీ శాసనసభ్యుల అభిమతమని రాష్ట్ర వ్యవసాయ శాఖ మంత్రి ఎన్. రఘువీరా రెడ్డి అన్నారు. ప్రజలు కూడా జగన్ ముఖ్యమంత్రి కావాలని కోరుకుంటున్నారని ఆయన శుక్రవారం మీడియా ప్రతినిధులతో అన్నారు. ప్రజల, మెజారిటీ శాసనసభ్యులు అభిమతాన్ని అందరూ మన్నించాలని ఆయన అన్నారు.

బాధ్యతతో ప్రజల అభీష్టాన్ని ప్రజాస్వామ్య పద్ధితిలో ముందుకు తీసికెళ్లాలని, దీనికి పార్టీ అధిష్టానం సానుకూలంగా ఉంటుందనే ఆశ ఉందని ఆయన అన్నారు. జగన్ ను ముఖ్యమంత్రి కావాలని కోరుకుంటున్నంత మాత్రాన ఎవరినీ తక్కువ చేసి మాట్లాడడం సరి కాదని ఆయన అన్నారు. తన నైజం అది కాదని ఆయన స్పష్టం చేశారు.