జగన్ సంగతేమీ తెలియదు: వీరప్ప మొయిలీ

న్యూఢిల్లీ: కడప పార్లమెంటు సభ్యుడు వైయస్ జగన్ గానీ ముఖ్యమంత్రి కె.రోశయ్య గానీ ఢిల్లీ ఎప్పుడు వస్తారనేది తనకు తెలియదని కాంగ్రెసు పార్టీ ఆంధ్రప్రదేశ్ వ్యవహారాల ఇంచార్జీ, కేంద్ర మంత్రి వీరప్ప మొయిలీ చెప్పారు. తాను రచించిన పుస్తకావిష్కరణ అనంతరం శుక్రవారం సాయంత్రం విలేకరులు అడిగిన ప్రశ్నలకు ఆయన ముక్తసరిగా సమాధానమిచ్చారు. రాష్ట్ర ముఖ్యమంత్రి వ్యవహారంపై పార్టీ అధిష్టానం ఇప్పటి వరకు ఏ నిర్ణయమూ తీసుకోలేదని ఆయన అన్నారు. రాష్ట్ర కాంగ్రెసు లెజిస్లేచర్ పార్టీ (సిఎల్పీ) సమావేశం ఎప్పుడుంటుందో తనకు తెలియదని ఆయన అన్నారు.

పుస్తకావిష్కరణ ముగిసిన తర్వాత వీరప్ప మొయిలీ, దివంగత నేత కెవిపి రామచందర్ రావు ఆత్మీయ మిత్రుడు కెవిపి రామచందర్ రావు ఒకే కారులో వెళ్లారు. ఇరువురు రాష్ట్ర రాజకీయాలపై, జగన్ విషయంపై మాట్లాడుకున్నట్లు తెలుస్తోంది. శుక్రవారం ఢిల్లీకి వెళ్లిన కెవిపి మొయిలీని కలిసేందుకు విమానాశ్రయం నుంచి నేరుగా న్యాయశాఖ కార్యాలయానికి వెళ్లారు. అంతకు ఐదు నిమిషాల ముందే మొయిలీ వెళ్లిపోయినట్లు తెలుసుకుని వెనుదిరిగి పుస్తకావిష్కరణ కార్యక్రమానికి వచ్చారు.