మహిళపై ఆటో డ్రైవర్ల సామూహిక అత్యాచారం

విజయవాడ: ఓ మహిళపై కృష్ణా జిల్లా ముదినేపల్లి గ్రామంలో ఆటో డ్రైవర్లు సామూహిక అత్యాచారానికి పాల్పడ్డారు. ఆటో డ్రైవర్లు పరారీలో ఉన్నారు. పేరూరు గ్రామానికి చెందిన మెట్టమ్మ అనే మహిళ సామగ్రి కొనుగోలుకు ఆదివారంనాడు ముదినేపల్లికి వచ్చింది. రాత్రి తొమ్మిదిన్నర గంటల ప్రాంతంలో తమ గ్రామానికే చెందిన వ్యక్తి నడుపుతున్న ఆటోలో స్వగ్రామానికి బయలుదేరింది. ముదినేపల్లికి పేరూరు 8 కిలోమీటర్ల దూరంలో ఉంటుంది.

ఆ ఆటో డ్రైవర్ మరి కొంత మంది ఆటో డ్రైవర్లతో కలిసి ఆ మహిళపై అత్యాచారానికి పాల్పడ్డాడు. రక్తం మడుగులో కొట్టుకుంటూ అరుపులు పెట్టిన మహిళను స్థానికంగా ఉండే చర్చి ఫాదర్ ఆస్పత్రికి తరలించారు. అయితే మార్గమధ్యంలోనే ఆమె ప్రాణాలు విడిచింది. చీకట్లో ఫాదర్ ఆటో డ్రైవర్లను గుర్తించలేకపోయారని అంటున్నారు.