చైనీస్ టాయ్ మేకర్స్: వైయస్ బ్రాండ్లకు గిరాకీ

విజయవాడ: రాష్ట్రంలో దివంగత నేత వైయస్ రాజశేఖర రెడ్డి స్మారకంగా తయారు చేస్తున్న బ్రాండ్లకు గిరాకీ పెరుగుతోంది. చైనీస్ టాయ్ మేకర్స్ తక్కువ ఖర్చుతో లాభాలు తెచ్చే పెట్టే వస్తువుల తయారీకి శ్రీకారం చుట్టారు. వైయస్ చిత్రాలతో గోడ గడియారాలను, బల్ల గడియారాలను, పేపర్ వెయిట్స్ ను, పెన్ స్టాండ్స్ ను, కీ చైన్లను తయారు చేస్తున్నారు. వీటికి చైనీస్ టాయ్ మేకర్స్ రూపకల్పన చేశారు.

ప్రస్తుతం తాజాగా మార్కెట్ లో ఉన్న గోడ గడియారం ప్రజలను ఆకర్షిస్తోంది. వైయస్సార్ తనదైన శైలిలో ఎడమ చేతిని ఊపే చిత్రంతో గోడ గడియారం రూపుదిద్దుకుంది. అతి సులువైన పద్ధతిలో తయారు చేసి ఈ గడియారంలో వైయస్సార్ ఎడమ చేయి నిరంతరం ఊగుతూ ఉంటుందని, దాని ధర 150 రూపాయలని స్థానిక వ్యాపారి చెప్పారు. దీన్ని 70 రూపాయలకు దిగుమతి చేసుకున్నారు. వ్యాపారులు చైనా తయారీదారులకు వైయస్ ఫోటోలు పంపుతూ ఆర్జర్లు పెడుతున్నారు.