జగన్ నియమిస్తే మద్దతిస్తా: నేదురుమల్లి

నెల్లూరు: ముఖ్యమంత్రిగా వైయస్ జగన్ ను పార్టీ అధిష్టానం నియమిస్తే తాను మద్దతిస్తానని మాజీ ముఖ్యమంత్రి, కాంగ్రెసు రాజ్యసభ సభ్యుడు నేదురమల్లి జనార్దన్ రెడ్డి చెప్పారు. ఆదాల ప్రభాకర్ రెడ్డికి మంత్రి పదవి ఇప్పించాలని తాను ప్రయత్నం చేయడం లేదని, మంత్రిగా ఆనం రామనారాయణ రెడ్డిని తాను వ్యతిరేకించడం లేదని ఆయన బుధవారం మీడియా ప్రతినిధులతో అన్నారు. తనపై ఆరోపణలు చేస్తున్నవారిని తాను పట్టించుకోనని ఆయన అన్నారు.

నెల్లూరు జిల్లాలో తాను కాంగ్రెసు పార్టీకి ప్రాణం పోసినట్లు ఆయన తెలిపారు. తనను కాంగ్రెసు పార్టీ నుంచి ఎవరూ తప్పించలేరని ఆయన అన్నారు. విపత్కర పరిస్థితిలో తాను పార్టీ అధ్యక్షురాలు సోనియా గాంధీకి అండగా ఉన్నట్లు ఆయన చెప్పుకున్నారు. తన తుది శ్వాస వరకు తాను కాంగ్రెసు పార్టీలోనే ఉంటానని ఆయన చెప్పారు. నెల్లూరు జిల్లాలో ఆనం సోదరులకు, నేదురమల్లి వర్గానికి మధ్య తీవ్రమైన విభేదాలున్నాయి.