సోనియా అపాయింట్ మెంట్ అడిగా: జగన్

న్యూఢిల్లీ: తాము తమ పార్టీ అధ్యక్షురాలు సోనియా గాంధీ అపాయింట్ మెంట్ అడిగామని, అపాయింట్ మెంట్ ఇస్తే తాను సోనియాను కలుస్తానని కడప కాంగ్రెసు పార్లమెంటు సభ్యుడు వైయస్ జగన్మోహన్ రెడ్డి చెప్పారు. ఆయన బుధవారం ఉదయం ఢిల్లీకి చేరుకున్నారు. ఆర్థిక వ్యవహారాల స్టాండింగ్ కమిటీ సమావేశంలో పాల్గొనేందుకు తాను ఢిల్లీ వచ్చానని, రెండు మూడు రోజుల్లో ఢిల్లీలో ఉంటానని ఆయన చెప్పారు.అపాయింట్ మెంటు ఇస్తే అధిష్టానం నాయకులతో మాట్లాడుతానని ఆయన చెప్పారు.

కాగా, ఇప్పటికే ఢిల్లీలో ఉన్న రాజ్యసభ సభ్యుడు కెవిపి రామచందర్ రావు కాంగ్రెసు ఆంధ్రప్రదేశ్ వ్యవహారాల ఇంచార్జీ వీరప్ప మొయిలీని కలిశారు. జగన్ సోనియా అపాయింట్ మెంట్ అడిగిన విషయంపై మాట్లాడేందుకే ఆయన మొయిలీతో సమావేశమైనట్లు చెబుతున్నారు.