చిరంజీవిపై కెఎస్ఆర్ మూర్తి ధ్వజం

కాకినాడ: తమ పార్టీ అధినేత చిరంజీవిపై ప్రజారాజ్యం సీనియర్ నేత కెఎస్ఆర్ మూర్తి తీవ్రంగా ధ్వజమెత్తారు. చిరంజీవి రాజకీయాల్లో కూడా నటుడిలాగానే వ్యవహరిస్తున్నారని ఆయన వ్యాఖ్యానించారు. ఆయన ఒక ప్రైవేట్ తెలుగు టీవీ చానెల్ తో మాట్లాడారు. తాను, శివశంకర్, ఉపేంద్ర పార్టీలో చేరబోమని, కావాలంటే సలహాలు ఇస్తామని చెప్పామని, అయితే తమను పార్టీలో చేరాలని ఒత్తిడి చేశారని ఆయన అన్నారు. అన్నీ బాగానే ఉన్నట్లు అనిపిస్తుందని, అయితే ఆచరణలో మాత్రం ఏమీ ఉండదని, ఇది చిరంజీవి పరిస్థితి అని ఆయన అన్నారు.

చిరంజీవి బావ మరిది అల్లు అరవింద్ వల్లనే ఆంజనేయరెడ్డి వంటి సీనియర్లు పార్టీ నుంచి వెళ్లిపోయినట్లు ప్రచారం జరుగుతోందని ఆయన అన్నారు. చిరంజీవి ప్రజారాజ్యం పార్టీకి భవిష్యత్తు ఉండదని ఆయన అభిప్రాయపడ్డారు. కాంగ్రెసు, తెలుగుదేశం పార్టీలు పిలిస్తే వలస వెళ్లడానికి చాలా మంది పార్టీ నాయకులు సిద్ధంగా ఉన్నారని ఆయన వ్యాఖ్యానించారు.