24న కుంద్రాతో శిల్పాశెట్టి నిశ్చితార్థం

ముంబై: తన బాయ్ ఫ్రెండ్ రాజ్ కుంద్రాతో బాలీవుడ్ నటి శిల్పాశెట్టి వివాహానికి చకచకా ఏర్పాట్లు జరిగిపోతున్నాయి. వీరిద్దరి వివాహానికి ఈ నెల 24వ తేదీన నిశ్చితార్థం జరగనుంది. చాలా కాలంగా శిల్పాశెట్టి తన వివాహాన్ని వాయిదా వేస్తూ వస్తోంది. ఎట్టకేలకు అందుకు ముహూర్తం ఖరారవుతోంది.

శిల్పాశెట్టి నిశ్చితార్థం విషయాన్ని ఆమె పబ్లిషిస్టు ధ్రువీకరించారు. వారిద్దరు రింగులు మార్చుకుంటారని, ఇది పూర్తిగా వ్యక్తిగత కార్యక్రమమని అన్నారు. కుటుంబ సభ్యులు మాత్రమే ఆ కార్యక్రమంలో ఉంటారని చెప్పారు. వారి పెళ్లి డిసెంబర్ ముంబైలో, రిసెప్షన్ లండన్ లో జరుగుతాయి.