మలేషియాలో హిందూ ఆలయం కూల్చివేత

కౌలాలంపూర్‌: మలేసియాలోని సిలోన్‌గోర్‌ రాష్ట్రంలో 'మాథురై వీరన్‌' హిందూ ఆలయాన్ని కూల్చివేశారు. హిందూ రాజకీయ పార్టీ మలేయియన్‌ ఇండియన్‌ కాంగ్రెస్‌ దీన్ని విశ్వాసఘాతుకచర్యగా వర్ణించింది. "ఆలయ కూల్చివేతను అడ్డుకోకుండా సిలోన్‌గోర్‌ రాష్ట్ర ప్రభుత్వం హిందూజాతిని మోసం చేసింది" అని ఆ పార్టీ అధ్యక్షుడు స్వామివేలు అన్నారు. కనీసం ఆలయ కమిటీతో సంప్రదించకుండా, ఎటువంటి నోటీసులు ఇవ్వకుండా పురపాలకసంఘం ఈ నిర్ణయాన్ని తీసుకోవడాన్ని ఆయన ఖండించారు.

ఈ ప్రాంతంలో హిందూ ఆలయాన్ని రీలొకేషన్ చేయడంపై నెల రోజుల క్రితం స్ధానిక ముస్లింలు వ్యతిరేకించి ఆగ్రహావేశాలు వ్యక్తం చేశారు. అయినా ఆ దేవాలయం రక్షణకు రాష్ట్ర ప్రభుత్వం ముందు జాగ్రత్త చర్యలు తీసుకోలేదు. గత ఏడాది సెప్టెంబర్ లో ఇదే రాష్ట్రంలో శ్రీ మహాకాళీయమ్మన్ దేవాలయాన్ని దుండగులు కూల్చి వేశారు.