రాజ్యసభ డిప్యూటీ చైర్మన్ కారు చోరీ

న్యూఢిల్లీ: రాజ్యసభ డిప్యూటీ చైర్మన్ రహ్మాన్ ఖాన్ కారు చోరీకి గురైంది. దానికి రేడియా టాగ్ అమర్చి ఉంది. డ్రైవర్ నివాసం వద్ద నుంచి ఆ కారు చోరీకి గురైనట్లు పోలీసులు సోమవారంనాడు చెప్పారు. దక్షిణ ఢిల్లీలోని మహిపల్పూరులోని డ్రైవర్ నిరంజన్ మొహంతీ నివాసం నుంచి మహీంద్ర బొలేరో ఆదివారం రాత్రి చోరీకి గురైనట్లు వారు తెలిపారు.

పార్లమెంటులోకి అనుమతినిచ్చే రేడియో ట్యాగ్ ను వెంటనే డీఆక్టివేట్ చేశారు. చాలా ఆలస్యంగా విధులు ముగించుకున్న నిరంజన్ మొహంతీ కారును తన ఇంటికి తీసికెళ్లాడు. రెహ్మాన్ కారుకు చోరీకి గురైన కారును పైలట్ వాహనంగా వాడుతున్నారు. ఈ సమయంలో రెహ్మాన్ ఢిల్లీలో లేరు. విధులు ముగిసిన తర్వాత కార్లను డ్రైవర్లు ఇంటికి తీసికెళ్లడం సాధారణమైన విషయమేనని అంటున్నారు.