ఆమోదం ఊహించిందే: కొండా సురేఖ
ముఖ్యమంత్రి స్థానంలో తాను జగన్ ను చూడదలుచుకున్నానని ఆయన చెప్పారు. రోశయ్యపై తనకు గౌరవం ఉందని, రోశయ్యకు నేరుగా జగన్ ముఖ్యమంత్రి కావాలని అంటూ రాజీనామాను ఇవ్వడం ఇబ్బందికరంగా అనిపించిందని, దాంతో తాను రాజీనామా లేఖను గవర్నరుకు ఇచ్చానని ఆమె అన్నారు. జగన్ ను ముఖ్యమంత్రి కావాలని రాష్ట్ర ప్రజల్లో బలమైన అభిప్రాయం ఉందని, ఆ సందేశం అధిష్టానానికి వెళ్లాలని తాను రాజీనామా చేశానని ఆమె అన్నారు.
తాను బెదిరించడానికో కాంగ్రెసుకు నష్టం చేయాలనో తాను రాజీనామా చేయాలని తాను భావించలేదని ఆమె అన్నారు. సముదాయించడానికి ప్రయత్నిస్తారని, అందువల్ల తాను జగన్ ను గానీ కెవిపిని గానీ కలవకపోవడానికి కారణం ఇదేనని ఆమె అన్నారు. వైయస్ రాజశేఖర రెడ్డితోనే మంచైనా చెడైనా ఉంటానని చెప్పానని, సోనియా తనను గుర్తు పడతారని, మంచి చేయడానికి సోనియా నిర్ణయం తీసుకుంటారని అనుకుంటున్నానని ఆమె అన్నారు.