హై కమాండ్ నిర్ణయానికే వోటు: బాలరాజు

హైదరాబాద్: దివంగత నేత వైయస్ రాజశేఖర రెడ్డి తనయుడు వైయస్ జగన్ ను ముఖ్యమంత్రిని చేయాలనే తమ విజ్ఞప్తిపై కాంగ్రెసు పార్టీ అధిష్టానం నిర్ణయానికి కట్టుబడి ఉంటామని మంత్రి బాలరాజు చెప్పారు. ఆయన శుక్రవారం ఉదయం ముఖ్యమంత్రి కె.రోశయ్యను కలిశారు. ఇతర నాయకులను కూడా ఆయన కలుసుకున్నారు. ప్రజాశ్రేయస్సు కోసం, పార్టీని బలోపేతం చేయడానికి కృషి చేస్తామని ఆయన అన్నారు.

జగన్ ను ముఖ్యమంత్రిని చేయాలనే తమ అభిప్రాయాన్ని పార్టీ అధిష్టానానికి విన్నవించామని, అధిష్టానం ఏ నిర్ణయం తీసుకున్నా కట్టుబడి ఉంటామని ఆయన చెప్పారు. అయితే వైయస్ జగన్ ను ముఖ్యమంత్రిని చేయాలనే తమ అభిప్రాయాలను పక్కన పెట్టబోమని ఆయన అన్నారు.