తెరాస పోటీ చేయాలి: తలసాని

హైదరాబాద్: గ్రేటర్ హైదరాబాద్ ఎన్నికల్లో తెలంగాణ రాష్ట్ర సమితి (తెరాస) పోటీ చేయాలని తెలుగుదేశం పార్టీ నాయకుడు తలసాని శ్రీనివాస యాదవ్ డిమాండ్ చేశారు. ఫ్రీజోన్ వంటి పెద్ద అంశాన్ని తీసుకుని పోరాటం చేస్తూ గ్రేటర్ హైదరాబాద్ ఎన్నికల్లో పోటీ చేయకూడదని తెరాస అనుకోవడం విడ్డూరమని ఆయన శనివారం మీడియా ప్రతినిధుల సమావేశంలో అన్నారు. పోటీ చేస్తే తెరాసకు సహకారం ఎంత లభిస్తుందో తెలుస్తుందని ఆయన అన్నారు.

రాజకీయ పార్టీగా ఉంటూ ఎన్నికల్లో పోటీ చేయకూడదని నిర్ణయించుకోవడం విడ్డూరమని ఆయన అన్నారు. తెరాస గ్రేటర్ హైదరాబాద్ ఎన్నికల్లో పోటీ చేయాలనేది తన విజ్ఞప్తే కాకుండా డిమాండ్ కూడా అని ఆయన అన్నారు. ఎవరి బలమెంతో తెలుసుకోవాలంటే కూడా తెరాస పోటీ చేయాలని ఆయన అన్నారు.