హైద్రాబాద్ ముచ్చట వాడికెందుకు?

హైదరాబాద్: 'హైదరాబాద్‌ గురించి మాట్లాడడానికి వాడెవ్వడు..' అని టీఆర్‌ఎస్‌ సీనియర్‌ నాయకుడు నాయిని నర్సింహారెడ్డి విజయవాడ ఎంపీ లగడపాటి రాజగోపాల్‌ ఢిల్లీలో చేసిన వ్యాఖ్యలపై మండిపడ్డారు. గ్రేటర్‌ హైదరాబాద్‌ పార్టీ సమావేశం అనంతరం ఆయన మీడియాతో మాటాడ్లారు. కేసీఆర్‌కు దమ్ముంటే హైదరాబాద్‌లో పోటీ చేయాలంటూ సవాల్‌ విసరడాన్ని నాయిని తప్పుబట్టారు.

'విజయవాడకు చెందిన నీకు హైదరాబాద్‌ గురించి మాట్లాడే హక్కులేదు. డీసీసీ అధ్యక్షుడు డి.శ్రీనివాస్‌కు, గ్రేటర్‌ కాంగ్రెస్‌ అధ్యక్షుడు దానం నాగేందర్‌లకు మాత్రమే ఆ హక్కు ఉంది' అన్నారు. తలసాని విసిరిన సవాల్‌కు స్పందిస్తూ.. ముందు మీ పార్టీ సంగతి చూసుకోమని హితవు పలికారు. నవంబర్‌ 1 తెలంగాణ విద్రోహ దినాన్ని నిర్వహిస్తున్నామని చెప్పారు. కేసీఆర్‌ తెలంగాణ భవన్‌లో నల్లజెండా ఎగర వేస్తారన్నారు. టీఆర్‌ఎస్‌ కార్యకర్తలు, నాయకులు తెలంగాణ అంతటా విద్రోహ దినం పాటిస్తారని తెలిపారు.