కేరళ నుంచి నేడు చిరంజీవి రాక

హైదరాబాద్: చికిత్స కోసం కేరళ వెళ్లిన ప్రజారాజ్యం అధ్యక్షుడు చిరంజీవి ఆదివారం సాయంత్రం తిరిగి హైదరాబాద్‌కు వస్తున్నారు. గ్రేటర్‌ ఎన్నికల నోటిఫికేషన్‌ జారీ అయిన నేపథ్యంలో పర్యటనను అర్ధంతరంగా ముగించుకున్నారు. కాంగ్రెస్ తో ప్రజారాజ్యం పొత్తు కుదిరే అవకాశముంది. పిసిసి అధ్యక్షుడు డిఎస్ తో ఆయన నిన్న ఫోన్ లో మాట్లాడారు. కాంగ్రెస్ తో చిరు పార్టీ పొత్తు సోమవారం ఖరారయ్యే అవకాశముంది. ప్రజారాజ్యంతో పొత్తు కోసం డిఎస్ ప్రధానంగా చొరవ తీసుకున్నట్టు తెలుస్తోంది.

మహిళారాజ్యం అధ్యక్ష పీఠం దక్కకపోవటంపై కినుక వహించిన శోభారాణి తనకు కట్టబెట్టిన కార్యనిర్వాహక కార్యదర్శి పదవికి రాజీనామా చేయాలని నిర్ణయించుకున్నట్టు సమాచారం. సోమవారం చిరంజీవిని కలిసి రాజీనామా లేఖను సమర్పించనున్నట్టు తెలిసింది.