సూపర్ స్టార్ కృష్ణపై చీటింగ్ కేసు

హైదరాబాద్: తెలుగు సూపర్ స్టార్ కృష్ణపై నగర నేర విభాగం (సిసిఎస్) పోలీసులు చీటింగ్ కేసు నమోదు చేశారు. ఆయన సోదరుడు, చలనచిత్ర నిర్మాత ఆదిశేషగిరిరావుపై కూడా చీటింగ్ కేసు నమోదైంది. తన తండ్రి సంతకాన్నికృష్ణ, ఆయన సోదరుడు ఆదిశేషగిరి రావు ఫోర్జరీ చేసి చేశారని ఆరోపిస్తూ ఆనంద్ అనే వ్యక్తి కోర్టును ఆశ్రయించాడు. దీంతో దీనిపై దర్యాప్తు చేయాల్సిందిగా కోర్టు పోలీసులను ఆదేశించింది.

ఫైనాన్షియర్ అయిన తండ్రి నిర్మించిన ముఖ్యమంత్రి ఇలా ఉండాలి పేరున కొంత మేర నిర్మించిన చలనచిత్రాన్ని కృష్ణ సోదరులు రాజకీయ చదరంగం పేరు మీద విడుదలు చేశారని ఆనంద్ ఆరోపించారు. తన తండ్రి మరణించడంతో సినిమా ఆగిపోయిందని, దాంతో కృష్ణ సోదరులు ఆ చిత్రం పేరు మార్చి పదేళ్ల క్రితం సొంత చిత్రంగా ప్రకటించుకున్నారని ఆనంద్ చెప్పాడు. కోర్టు ఆదేశాల మేరకు సిసిఎస్ పోలీసులు కృష్ణ సోదరులపై కేసు నమోదు చేసి దర్యాప్తు చేపట్టారు.