చిరుతో పొత్తుకు ఎందుకీ వ్యతిరేకత?

హైదరాబాద్: గ్రేటర్ హైదరాబాద్ ఎన్నికల్లో చిరంజీవి నేతృత్వంలోని ప్రజారాజ్యం పార్టీతో కొంత మంది కాంగ్రెసు పార్లమెంటు సభ్యులు వ్యతిరేకిస్తున్నారు. నిజానికి చిరంజీవితో పొత్తు కడప పార్లమెంటు సభ్యుడు వైయస్ జగన్ శిబిరానికి మింగుడు పడడం లేదు. చిరంజీవి భవిష్యత్తులో తన పార్టీని కాంగ్రెసు పార్టీలో విలీనం చేసే అవకాశాలు కూడా లేకపోలేదనే భయం జగన్ వర్గానికి ఉంది. వచ్చే ఎన్నికల్లో చిరంజీవి ప్రజాకర్షణను వాడుకోవడానికి కాంగ్రెసు పార్టీ ఇప్పటి నుంచే పునాది ఏర్పరుచుకుంటోంది. దీంతో శాశ్వతంగా జగన్ తాను ఆశించిన ముఖ్యమంత్రి పదవికి దూరంగా ఉండిపోవాల్సి వస్తుందనే భయం ఆయన వర్గానికి పట్టుకుంది. కాంగ్రెసు పార్లమెంటు సభ్యులు లగడపాటి రాజగోపాల్, పొన్నం ప్రభాకర్, సబ్బం హరి పొత్తును వ్యతిరేకిస్తోంది.

ప్రజారాజ్యం పార్టీతో పొత్తును తాము వ్యతిరేకిస్తున్నామని లగడపాటి రాజగోపా్ల్, పొన్నం ప్రభాకర్ ఆదివారం అన్నారు. తాజాగా కాంగ్రెసు పార్టీ పార్లమెంటు సభ్యుడు సబ్బం హరి ఈ పొత్తును వ్యతిరేకించారు. పొత్తు కుదరనివ్వబోమని ఆయన అన్నారు. ఈ పొత్తును తమ అధిష్టానం అంగీకరించదని ఆయన అన్నారు. అయితే అధిష్టానం ఆమోదం లేకుండా పిసిసి అధ్యక్షుడు డి.శ్రీనివాస్, ముఖ్యమంత్రి రోశయ్యనో పొత్తుకు సిద్ధపడ్డారని అనుకోవడం అవివేకమే అవుతుంది.