టిడిపి ఎమ్యెల్యే సీతారెడ్డి అరెస్టుపై స్టే

హైదరాబాద్: మహబూబ్ నగర్ జిల్లా దేవరకద్ర వ్యవసాయ శాఖాధికారి రాజేశ్వరి ఆత్మహత్య కేసులో తెలుగుదేశం పార్టీ శాసనసభ్యురాలు సీతా దయాకర్ రెడ్డికి ఊరట లభించింది. సీతా దయాకర్ రెడ్డి అరెస్టుపై స్టే విధిస్తూ హైకోర్టు మంగళవారం ఆదేశాలు జారీ చేసింది. ఈ కేసు తదుపరి విచారణకు హైకోర్టు అనుమతిచ్చింది.

వ్యవసాయ శాఖాధికారి రాజేశ్వరి ఆత్మహత్య కేసులో పోలీసులు సీతా దయాకర్ రెడ్డిపై కేసు నమోదు చేశారు. ఆమె అరెస్టుకు రంగం కూడా సిద్ధం చేశారు. సీతా దయాకర్ రెడ్డి వేధింపుల వల్లనే రాజేశ్వరి ఆత్మహత్య చేసుకున్నట్లు ఆరోపణలు వచ్చాయి.