డి.శ్రీనివాస్ ఇంటి వద్ద కాంగ్రెస్ కార్యకర్తల ధర్నా

హైదరాబాద్‌: పీసీసీ అధ్యక్షుడ్ డి.శ్రీనివాస్ నివాసం వద్ద గురువారం ఉదయం కాంగ్రెస్‌ కార్యకర్తలు ధర్నాకు దిగారు. గ్రేటర్‌ హైదరాబాద్‌ ఎన్నికల్లో పోటీ చేసేందుకు సీతాఫల్‌మండి డివిజన్‌ టికెట్‌ స్థానికులకే ఇవ్వాలంటూ కార్యకర్తలు డీఎస్‌ ఇంటి ముందు బైఠాయించారు. దీంతో అక్కడ ఉద్రిక్త వాతావరణం నెలకొంది. వెంటనే ఆ పార్టీ సీనియర్‌ నాయకులు కలుగజేసుకోని వారిని శాంతింపజేశారు.

పిసిసి అధ్యక్షుడు డి శ్రీనివాస్ గ్రేటర్ హైదరాబాద్ ఎన్నికల్లో కాంగ్రెస్ టికెట్లు అమ్ముకుంటున్నారన్న వార్తలు గుప్పుమన్న నేపధ్యంలో ఆయన ప్రత్యర్ధి వర్గం ఆయనను భ్రష్టు పట్టించడానికి ఇదే తగిన సమయమని భావిస్తున్నట్టు కనిపిస్తోంది.