ఆంధ్రా బొమ్మాళీ, నిన్నొదల: మొయిలీ

హైదరాబాద్‌: రాష్ట్ర కాంగ్రెస్‌ వ్యవహారాల ఇన్‌ఛార్జ్‌ పదవి నుంచి తొలగే ఆలోచన లేదని కేంద్ర న్యాయ శాఖ మంత్రి వీరప్ప మొయిలీ అన్నారు. తాను పదవి నుంచి తొలగుతున్నట్లు వచ్చిన వార్తల్లో నిజం లేదన్నారు. ఇదంతా మీడియా సృష్టేనని ఆయన కొట్టిపారేశారు. గ్రేటర్‌ ఎన్నికల్లో అభ్యర్థుల ఎంపికపై ఎంపీలు, ఎమ్మెల్యేలు సిఫార్సులు చేసే అభ్యర్థుల పేర్లకు ప్రాధాన్యత ఇవ్వాలని పీసీసీకి సూచించామన్నారు. అభ్యర్థుల ఎంపికపై పీసీసీకి గైడ్‌లైన్స్‌ ఇచ్చామని మొయిలీ తెలిపారు.

వీరప్ప మొయిలీ వైఎస్ కుటుంబానికి సన్నిహితులన్న పేరుంది. మొయిలీ కుమారుడికీ, వైఎస్ జగన్ కు వ్యాపార సంబంధాలు ఉన్నాయన్న ఆరోపణలూ ఉన్నాయి. రోశయ్యను ముఖ్యమంత్రిగా కొనసాగించడం మొయిలీకి ఇష్టం లేకపోయినా అధిష్టానవర్గం ఆదేశాల మేరకు ఆయన తలొగ్గి ఉంటున్నారన్న వాదన ఒకటి ఉంది. రేపు రోశయ్య ఢిల్లీలో సోనియా గాంధీని కలిసిన తర్వాత సీన మారిపోవచ్చు.