టిడీపి మేయర్ అభ్యర్ధిగా చివరికి శ్రీనివాస రెడ్డి

హైదరాబాద్‌: ఏ నిముషానికి ఏమి జరుగునో అన్న విషయం టిడిపి మేయర్ అభ్యర్ధుల విషయంలో నేడు నిజమైంది. మేయర్‌ పదవికి తెలుగుదేశం పార్టీ అభ్యర్థిగా గ్రేటర్‌ బరిలో దిగడానికి ప్రయత్నించిన సుధీష్‌ రాంభొట్లకు ట్రాఫిక్‌ చిక్కెదురైంది. నగరంలోని రహదారులన్నీ ఈరోజు ఉదయంనుంచి అసంతృప్తుల ఆందోళనలతో హోరెత్తుతున్న నేపథ్యంలో హైదర్‌నగర్‌లో నామినేషన్‌ వేయడానికి బయల్దేరిన సుధీష్‌ ఆలస్యంగా కార్యాలయానికి చేరుకున్నారు. దాంతో అధికారులు ఆయన నామినేషన్‌ను అనుమతించలేదు.

దీనితో టిడీపి మేయర్ అభ్యర్ధిగా సింగిరెడ్డి శ్రీనివాసరెడ్డి అనూహ్యంగా ముందు నిలిచారు. సింగిరెడ్డి కార్పొరేటర్ గా సైదాబాద్ డివిజన్ నుంచి పోటీ చేస్తున్నారు. గ్రేటర్ హైదరాబాద్ కాంగ్రెస్ అధ్యక్ష పదవికి దానం నాగేందర్ రాజీనామా చేయడంతో కాంగ్రెస్ లో కలకలం నెలకొంది.