గ్రేటర్ పై మాదే గెలుపు జెండా: బాబు

హైదరాబాద్: గ్రేటర్ హైదరాబాద్ ఎన్నికల్లో తమ పార్టీ విజయం సాధించి తీరుతుందని తెలుగుదేశం పార్టీ అధ్యక్షుడు నారా చంద్రబాబు నాయుడు ధీమా వ్యక్తం చేశారు. ఆయన సోమవారం పార్టీ సీనియర్ నేతలతో సమావేశమయ్యారు. తిరుగుబాటు అభ్యర్థులను బుజ్జగించే ప్రయత్నం చేశారు. గ్రేటర్ హైదరాబాద్ ఎన్నికల్లో తమ పార్టీ సత్తా చాటుతామని ఆయన మీడియా ప్రతినిధుల సమావేశంలో అన్నారు. గ్రేటర్ హైదరాబాద్ పై తమ పార్టీ జెండాను ఎగురేస్తామని ఆయన అన్నారు.

కాగా, గ్రేటర్ హైదరాబాద్ ఎన్నికల టిక్కెట్ల పంపకంలో వెనకబడిన వర్దాలకు అన్యాయం జరిగిందనే విమర్శలు వినిపిస్తున్నాయి. దీనిపై కాప్రా డివిజన్ పార్టీ కార్యకర్తలు తెలుగుదేశం పార్టీ కార్యాలయం ఎన్టీఆర్ ట్రస్టుభవన్ వద్ద ధర్నాకు దిగారు. హైదరాబాద్ అభివృద్ధి అంతా తమ ప్రభుత్వ హయాంలోనే జరిగిందని చంద్రబాబు అన్నారు.