కాకినాడ పోర్టుకు అంతర్జాతీయ గుర్తింపు

కాకినాడ: ఇప్పటికే అభివృద్ధి పథంలో ఉన్న కాకినాడ పోర్టుకు మహర్దశ పట్టనుంది. విశాఖ-కాకినాడల మధ్య పెట్రో కెమికల్‌ ఇండస్ట్రియల్‌ కాంప్లెక్స్‌ రానున్నందున స్పెషల్‌ ఎకనమిక్‌ జోన్‌తో కాకినాడ పోర్టుకు అంతర్జాతీ యస్థాయి గుర్తింపు రానున్నట్లు కేంద్ర రక్షణశాఖ సహాయమంత్రి పళ్లంరాజు చెప్పారు. సామర్ల కోట కుమారరామ భీమేశ్వరాలయంలో ఆయన విలేఖరులతో మాట్లాడారు. ఇప్పటికే ఆయిల్‌ హబ్‌ గా పేరొందిన పోర్టు రానున్న కాలంలో పెట్రోలియం, చమురు, గ్యాస్‌ ఉత్పత్తులు ఎగుమతులతో మరిన్ని విద్యుదుత్పత్తి కేంద్రాలు ఏర్పాటు కానున్నాయన్నారు.

ప్రస్తుతం విదేశాల నుంచి పామాయిల్‌ పెద్దమొత్తంలో దిగుమతి చేసుకుంటున్న కాకినాడ పోర్టు ద్వారా విదేశాల నుంచి పంచదార, గోధు మలు వంటి ఆహారోత్పత్తులు దిగుమతి కానున్నాయన్నారు. ఇందుకు తగిన రీతిలో పోర్టులో మరిన్ని అదనపు బెర్త్‌ల నిర్మాణం చేపట్టే అవకాశాలు పుష్కలంగా ఉన్నాయన్నారు. జిల్లాలో పోర్టు ఆధారంగా చేసుకుని మరిన్ని వ్యవసాయాధారిత పరిశ్రమలు రాను న్నాయన్నారు. వచ్చే మూడేళ్లలో పోర్టు అభివృద్ధితో కాకినాడ ప్రగతి అంతర్జాతీయ స్థాయిలోకి చేరనుం దన్నారు. జిల్లాలో నిరుద్యోగులకు ఉపాధి అవకాశాలు మెరుగవుతాయని పళ్లంరాజు చెప్పారు.