వైయస్ జగన్ ప్రచారం చేస్తారు: దానం

హైదరాబాద్: గ్రేటర్ హైదరాబాద్ ఎన్నికల్లో కడప పార్లమెంటు సభ్యుడు వైయస్ జగన్ ప్రచారం చేస్తారని కాంగ్రెసు గ్రేటర్ హైదరాబాద్ అధ్యక్షుడు, రాష్ట్ర ఆరోగ్య శాఖ మంత్రి దానం నాగేందర్ చెప్పారు. గ్రేటర్ హైదరాబాద్ లో పార్టీ ప్రచారాన్ని గురువారం ప్రారంభిస్తామని ఆయన మంగళవారం మీడియా ప్రతినిధులతో చెప్పారు. ముఖ్యమంత్రి కె.రోశయ్య, ప్రదేశ్ కాంగ్రెసు కమిటీ (పిసిసి)అధ్యక్షుడు డి. శ్రీనివాస్ ప్రచారాన్ని ప్రారంభించనున్నట్లు ఆయన తెలిపారు.

గ్రేటర్ హైదరాబాద్ ఎన్నికల్లో తాము వందకు తగ్గకుండా డివిజన్లను గెలుచుకుంటామని ఆయన ధీమా వ్యక్తం చేశారు. టికెట్ల కోసం డిమాండ్ ఎక్కువగా ఉండడం వల్లనే అసంతృప్తులు వినిపిస్తున్నాయని ఆయన సమర్థించుకున్నారు. గ్రేటర్ హైదరాబాద్ పరిగణనలో ాసమాజిక సమీకరణాల ఆధారంగా టికెట్లు ఇవ్వాల్సి వచ్చిందని ఆయన చెప్పారు. నామినేషన్లు ఉపసంహరించుకోవాలని ఆయన తిరుగుబాటు అభ్యర్థులను కోరారు.