హిందీ నటి సింపుల్ కపాడియా మృతి

ముంబై: హిందీ నటి, కాస్ట్యూమ్ డిజైనర్ సింపుల్ కపాడియా కన్నుమూశారు. క్యాన్సర్ వ్యాధితో ఆమె మరణించారు. ఆమె ప్రముఖ నటి డింపుల్ కపాడియా సోదరి. గత మూడేళ్లుగా సింపుల్ కపాడియా క్యాన్సర్ వ్యాధితో బాధపడుతున్నారు. సింపుల్ తుది శ్వాస విడిచే సమయంలో డింపుల్ ఆమె పక్కనే ఉన్నారు.

సింపుల్ 1976లో అనురోధ్ సినిమాతో తన బాలీవుడ్ కెరీర్ ను ప్రారంభించారు. రాజేష్ ఖన్నా సరసన ఆమె ఈ సినిమాలో నటించారు. అయితే బాలీవుడ్ సినిమాలో నిలదొక్కుకోలేకపోయారు. ఆమె దాదాపు 20 సినిమాల్లో నటించారు. ఆమె 1986లో సినిమాల్లో నటించడం మానేశారు. అయితే తర్వాత కాస్ట్యూమ్ డిజైనర్ గా పనిచేశారు. రుడాలి సినిమాలో కాస్య్టూమ్ డిజైనింగ్ ఆమె జాతీయ అవార్డును గెలుచుకున్నారు.