• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

పవన్ కళ్యాణ్ ప్రచారంపై చిరు అనుమానం

By Santaram
|

Pawan Kalyan
హైదరాబాద్: గ్రేటర్ హైదరాబాద్ ఎన్నికల్లో పవన్ కల్యాణ్ ప్రచారం చేస్తాడో లేదో తాను ఇప్పుడే చెప్పలేనని ప్రజారాజ్యం అధినేత చిరంజీవి అన్నారు. పవ న్ షూటింగ్ లలో బిజీగా ఉన్నారని చెప్పారు. గ్రేటర్‌ హైదరాబాద్‌ ఎన్నికల ప్రచార భేరిని గురువారం ప్రజారాజ్యం అధ్యక్షుడు కె.చిరంజీవి మోగించనున్నారు. ఏడు రోజుల పాటు నిర్విరామంగా రోజూ 6 నుంచి 8 డివిజన్‌లను చిరంజీవి పర్యటించనున్నారు. 64 డివిజన్‌లను మొదటివిడత పూర్తిచేసి, మరో విడత మూడురోజుల పాటు ఎంచుకున్న డివిజన్‌లకే ప్రచారంలో పరిమితం కానున్నారు. గురువారం మధ్యాహ్నం 1:57 గంటలకు పూజ అనంతరం చిరు ప్రచార రథం కదలనుంది. మధ్యాహ్నం 3 గంటలకు హఫీజ్‌పేట, 3:30 గంటలకు పటాన్‌చెరు, 4 గంటలకు రామచంద్రాపురం, 4:45 గంటలకు చందానగర్‌, 5:30 గంటలకు కేపీహెచ్‌బీకాలనీలో చిరు ప్రచారం జరుగుతుంది.

సాయంత్రం 6 గంటలకు వివేకానందానగర్‌, 6:30 గంటలకు కూక ట్‌పల్లి, 7 గంటలకు మూసాపేట మీదుగా ప్రచారం జరుగుతుంది. చిరుతో పాటు పార్టీ అభ్యర్థి మాత్రమే వాహనంపై ఉంటారు. సీనియర్‌ నేతలు మరో వాహనంలో చిరును అనుసరిస్తారని పార్టీ వర్గాలు తెలిపాయి. సాయంత్రం 7 గంటల వరకే ప్రచారం ముగించాలని నిర్ణయించినప్పటికీ రాత్రి 10 గంటల దాకా నిర్విరామంగా జరిగే అవకాశం ఉంది. రోడ్‌షోకు ఇప్పటికే అనుమతి తీసుకున్నారు. రూట్‌మ్యాప్‌ను ప్రచార కమిటీ సభ్యుడు, రాష్ట్ర కార్యనిర్వాహక కార్యదర్శి వడ్డేటి దేవేందర్‌ తుదిమార్పులు చేశారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X