పెషావర్ లో పేలుడు: 20 మంది మృతి

పెషావర్: పాకిస్తాన్ లోని పెషావర్ లో శుక్రవారం ఉదయం భారీ పేలుడు సంభవించింది. ఈ పేలుడులో కనీసం 20 మంది దాకా మృతి చెంది ఉంటారని, మరో 30 మంది గాయపడి ఉంటారని అనుమానిస్తున్నారు. పెషావర్ లోని ఐఎస్ఐ భవనానికి సమీపంలో మిలిటెంట్లు ఈ పేలుడుకు పాల్పడ్డారు.

పెషావర్ లో అత్యంత ప్రముఖమైన ఖైబర్ రోడ్డులో ఈ పేలుడు సంభవించింది. పేలుఢుకు ముందు కాల్పులు జరిగినట్లు ప్రాథమిక సమాచారం ప్రకారం తెలుస్తోంది. దీనికి ఏ సంస్థ పాల్పడిందనేది తెలియడం లేదు. ఈ పేలుడు ధాటికి ఐఎస్ఐ భవనం కొంత ధ్వంసమైంది.