• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

వైయస్ దేవుడిలా కనిపిస్తాడు: నాగం

By Pratap
|

Nagam Janardhan Reddy
హైదరాబాద్: గనులు అప్పన్నంగా కట్టబెట్టారు కాబట్టి దివంగత నేత వైయస్ రాజశేఖర రెడ్డి ఓబుళాపురం మైనింగ్ కంపెనీ అధిపతి, కర్నాటక మంత్రి గాలి జనార్దన్ రెడ్డి తండ్రిలానే కాకుండా దేవుడిలా కూడా కనిపిస్తారని తెలుగుదేశం నాయకుడు నాగం జనార్దన్ రెడ్డి అన్నారు. తమ పార్టీ నేత నారా చంద్రబాబు నాయుడిపై తీవ్ర వ్యాఖ్యలు చేసిన గాలి జనార్దన్ రెడ్డిపై తెలుగుదేశం నాయకులు శుక్రవారం తీవ్రంగా ధ్వజమెత్తారు. గాలి జనార్దన్ రెడ్డి పుశువులా మాట్లాడుతున్నారని నాగం జనార్దన్ రెడ్డి వ్యాఖ్యానించారు. అక్రమ గనుల తవ్వకాలు ఆగిపోతాయనే భయంతోనే గాలి జనార్దన్ రెడ్డి ఇష్టం వచ్చినట్లు మాట్లాడుతున్నారని ఆయన అన్నారు.

గాలి జనార్దన్ రెడ్డి వాడిన భాషపై ధూలిపాళ్ల నరేంద్ర చౌదరి తీవ్ర అభ్యంతరం తెలిపారు. ఇది కర్నాకట కాదు, ఆంధ్రప్రదేశ్ అనే విషయం గుర్తుంచుకుని మాట్లాడాలని ఆయన గాలి జనార్దన్ రెడ్డికి సూచించారు. కాంగ్రెసు పార్లమెంటు సభ్యుడు వైయస్ జగన్ కు క్లీన్ చిట్ ఇవ్వడానికే గాలి జనార్దన్ రెడ్డి హైదరాబాద్ వచ్చారని ఆయన అన్నారు. ఎలాగూ హైదరాబాద్ వచ్చారు కాబట్టి ఎర్రగడ్డలో గాలి జనార్దన్ రెడ్డి చికిత్స చేయించుకోవాలని ఆయన సూచించారు. మగాడైతే గాలి జనార్దన్ రెడ్డి తనపై వచ్చిన ఆరోపణలు నిరాధారమని రుజువు చేసుకోవాలని వేణుగోపాలాచారి డిమాండ్ చేశారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X