చంద్రబాబుతో అజిత్ సింగ్ భేటీ

హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడితో రాష్ట్రీయ లోకదళ్ (ఆర్ఎల్డీ) నాయకుడు అజిత్ సింగ్ శనివారంనాడు ఆయన నివాసంలో కలిశారు. నిత్యావసర సరుకుల నియంత్రణ ఆర్డినెన్స్ చట్టాన్ని వ్యతిరేకిస్తూ పార్లమెంటు వద్ద తలపెట్టిన ధర్నాకు మద్దతు ఇవ్వాలని అజిత్ సింగ్ చంద్రబాబును కోరారు. అందుకు చంద్రబాబు అంగీకరించారు.

అలాగే, ఓబుళాపురం గనుల అక్రమాలకు వ్యతిరేకంగా జాతీయ స్థాయిలో ఉద్యమానికి సహకరించాలని చంద్రబాబు అజిత్ సింగ్ ను కోరారు. అందుకు అజిత్ సింగ్ అంగీకరించినట్లు చంద్రబాబు తెలిపారు. ఓబుళాపురం గనుల మాఫియా రాజకీయాలను భ్రష్టుపట్టిస్తోందని చంద్రబాబు విమర్శించారు డబ్బు, అంగ బలం ఉపయోగిస్తోందని ఆయన అన్నారు.