దాచేపల్లిలో పేలుడు: 15 మంది మృతి

గుంటూరు: గుంటూరు జిల్లా దాచేపల్లి నారాయణపురంలోని ఓ ఇంట్లో సోమవారం పేలుడు సంభవించి 15 మంది మరణించారు. మృతుల్లో ఆరుగురు చిన్నారులే. బూర్ల వెంకటేశ్వర రావు అనే వ్యక్తి ఇంట్లో గ్యాస్ సిలిండర్ పేలి మంటలు జిలిటెన్ స్టిక్స్ కు వ్యాపించి మంటలు ఎగిసిపడినట్లు సమాచారం. ఈ పేలుడు ధాటికి పది ఇళ్లు నేలమట్టాయ్యాయి. దాదాపు 20 మంది గాయపడినట్లు సమాచారం.

సమాచారం తెలిసిన వెంటనే అధికారులు సంఘటనా స్థలానికి చేరుకున్నారు. ప్రొక్లెయిన్లతో శిథిలాలను తొలగించే ప్రయత్నం చేస్తున్నారు. శిథిలాల కింద మరింత మంది చిక్కుకుని ఉంటారని అనుమానిస్తున్నారు. సంఘటనపై పోలీసులు దర్యాప్తు ప్రారంభించారు.