పార్టీ కోరితే గ్రేటర్ ప్రచారం: వైయస్ జగన్

హైదరాబాద్: పార్టీ కోరితే తాను గ్రేటర్ హైదరాబాద్ ఎన్నికల్లో ప్రచారం చేస్తానని వైయస్ జగన్ ఎఐసిసి కార్యదర్శి కృష్ణమూర్తితో చెప్పారు. ఈ విషయాన్ని కృష్ణమూర్తి ధ్రువీకరించారు. జగన్ మంగళవారం కృష్ణమూర్తి, ఎఐసిసి పరిశీలకుడు ప్రవీణ్ దావర్ లతో భేటీ అయ్యారు. గ్రేటర్ హైదరాబాద్ ఎన్నికల ప్రచారంలో వైయస్ జగన్ ప్రచారం చేస్తే బాగుంటుందని పలువురు మంత్రులు సోమవారం కృష్ణమూర్తికి సూచించారు. ఈ నేపథ్యంలో జగన్ కృష్ణమూర్తితో భేటీ అయి తన మనసులోని మాట చెప్పారు.

కాగా, రాష్ట్ర కాంగ్రెసు పార్లమెంటు సభ్యులకు ప్రదేశ్ కాంగ్రెసు కమిటీ (పిసిసి) అధ్యక్షుడు డి.శ్రీనివాస్ హైదరాబాదులోని గోల్కొండ హోటల్లో విందు ఇచ్చారు. ఈ విందుకు ఎఐసిసి పరిశీలకులు కృష్ణమూర్తి, ప్రవీణ్ దావర్ లు కూడా హాజరయ్యారు. పార్లమెంటు సభ్యులు కెవిపి రామచందర్ రావు, వైయస్ జగన్ కూడా ఈ విందుకు వచ్చారు.