అక్రమ సంబంధం, ఆత్మహత్యా యత్నం

వరంగల్: ఒక కానిస్టేబుల్ ప్రియురాలితో కలిసి ఆత్మహత్యాయత్నానికి పాల్పడిన సంఘటన వరంగల్ జిల్లా మామూనురులో జరిగింది. మామునూర్‌ 4వ బెటాలియన్‌కు చెందిన ఏపీఎస్పీ కానిస్టేబుల్‌ పి.విజయ్‌ కుమార్‌(28) అతడి ప్రియురాలు హసీనా (25) పురుగుల మందు తాగారు. విజయ్‌కుమార్‌ లకీపురానికి చెందిన హసీనాతో కొంత కాలంగా వివాహేతర సంబంధాన్ని పెట్టుకున్నాడు.

ఇంతకు ముందే విజయ్‌ కుమార్‌కు వివాహం అయింది. భార్య, కుమారుడు ఉన్నాడు. మొదటి భార్య కుటుంబ సభ్యులు వీరి అక్రమ సంబంధం విషయమై మందలించడంతో ఆత్మహత్యాయత్నానికి పాల్పడినట్లు తెలుస్తోంది. ఉద్యోగం పీకేయిస్తామని వారు బెదిరించడంతో విజయ్ కుమార్ భయపడిపోయినట్టు అతని తరఫు వారు చెబుతున్నారు. హసీనాకు కూడా గతంలో పెళ్లి జరిగి విడాకులు అయినట్టు సమాచారం. ప్రస్తుతం ఎంజీఎంలో చికిత్స పొందుతున్న వీరి పరిస్థితి విషమంగా ఉంది. హసీనా కుటుంబ సభ్యులు ఎవరూ ఎంజీఎంకు రాలేదు. కాగా విజయ్‌కుమార్‌కు అతడి భార్య చికిత్స చేయించింది.