జయప్రకాష్ ని పొగిడిన జయసుధ

హైదరాబాద్: కాంగ్రెసు ఎమ్మెల్యేగా ఉంటూ మరో పార్టీ నాయకుడిని ఆరాధించడం గొప్ప విషయమే. తనకు ఎందరో ఫ్యాన్లు ఉన్నారని, తాను మాత్రం లోక్ సత్తా అధినేత జయప్రకాష్ నారాయణ ఫ్యాన్ నని సినీనటి, కాంగ్రెసు ఎమ్మెల్యే జయసుధ చెప్పారు. జయప్రకాష్ నారాయణ రాజకీయ విధానాలను ఆమె తెగ మెచ్చుకున్నారు.

గ్రేటర్ హైదరాబాద్ ఎన్నికల్లో కాంగ్రెసు తరఫున ప్రచారం చేస్తూ ప్రత్యర్ధి పార్టీ విధానాలను, ఆ పార్టీ అధినేతను పొగడడం కాంగ్రెసు లోనే విమర్శలకు దారి తీసింది. జయప్రకాష్ నారాయణ స్వప్నమైన ఉత్తమ సమాజ నిర్మాణం, అవినీతి వ్యతిరేకత తనను బాగా ఆకట్టుకున్నాయని జయసుధ అన్నారు. ప్రత్యర్ధి పార్టీని ఆమె బహిరంగంగా ప్రశంసించడంపై ఆమె ప్రత్యర్ధులు పిసిసి అధ్యక్షుడికి ఫిర్యాదు చేయాలనుకుంటున్నారు.