కెసిఆర్ అవకాశవాదంపై జూపల్లి విమర్శ

హైదరాబాద్: వెనుకబాటుతనానికి ప్రాంతాలు కారణం కాదని, ఇందుకు అనేక అంశాలు దోహదం చేస్తున్నాయని రాష్ట్ర పౌర సరఫరాల శాఖ మంత్రి జూపల్లి కృష్ణారావు అన్నారు. వెనకబడ్డ తెలంగాణ అభివృద్ధికి తమ పార్టీ విశేషకృషి చేస్తోందని అన్నారు. జాగోభాగో అంటూ కొంతమంది నాయకులు ఇష్టంవచ్చినట్లు మాట్లాడుతున్నారని విమర్శించారు. గ్రేటర్‌ పరిధిలో ఉన్న ప్రజలకు కాంగ్రెస్‌ పార్టీ రక్షణ కల్పిస్తుందని మాజీ మంత్రి షబ్బీర్‌అలీ అన్నారు.

జాగోభాగో అన్న కెసిఆర్ ఎన్నికలనుంచి భగాయించాడని ఎద్దేవా చేశారు. 2009 అసెంబ్లీ ఎన్నికల్లో చంద్రబాబు కెసిఆర్తో ఎందుకు పొత్తుపెట్టుకున్నాడో తేల్చాకే గ్రేటర్‌ ప్రజలను ఓట్లడగాలని మరో మంత్రి శ్రీధర్‌బాబు డిమాండ్‌ చేశారు. కేవలం అధికారం కోసమే టీడీపీ పాకులాడుతోందని మండిపడ్డారు.