సహ నటుడి ప్రాణాలు కాపాడిన సల్మాన్

న్యూఢిల్లీ: బాలీవుడ్ నటుడు సల్మాన్ ఖాన్ తన సహనటుడు బన్నీ ఆనంద్ ప్రాణాలను కాపాడారు. విజయ్ గిలానీ వీర్ సినిమా షూటింగ్ సందర్భంగా ఈ సంఘటన జరిగింది. రాజస్థాన్ లో రైలు దోపిడీ దృశ్యాలను చిత్రీకరిస్తున్నారు. ఈ సమయంలో సల్మాన్ తో పాటు బన్నీ, విక్కీ మెహ్రా గుర్రాలపై స్వారీ చేస్తున్నారు. రైలు తమ ఎడమ వైపు నుంచి వేగంగా వస్తుండగా వారు ముగ్గురితో పాటు మరింత మంది గుర్రాలు కూడా వేగంగా పరిగెత్తుకొస్తున్నాయి.

గుర్రాలపై స్వారీ చేస్తుండగా బన్నీ అదుపు తప్పి కింద పడబోయాడు. దీన్ని గమనించిన సల్మాన్ బన్నీ కాలర్ పట్టుకుని తన వైపు లాక్కున్నాడు. క్షణాల వ్యవధిలో ఇదంతా జరిగిపోయింది. సల్మాన్ పూనుకోకపోతే బన్నీ గుర్రంపై నుండి పడిపోవడమే కాకుండా వెనక వేగంగా వస్తున్న గుర్రాల కాళ్ల కింద నలిగిపోయి ఉండేవారు. సల్మాన్ భాయ్ తన ప్రాణాలు కాపాడాడని, ఆ రుణం ఎలా తీర్చుకోవాలో తెలియడం లేదని బన్నీ అంటున్నాడు.