• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

గాలి జనార్దన్ రెడ్డిని జైల్లో పెట్టాలి: విహెచ్

By Pratap
|

V Hanumantha Rao
హైదరాబాద్: అక్రమ ఖనిజ తవ్వకాలకు పాల్పడిన కర్నాటక మంత్రి గాలి జనార్దన్ రెడ్డిని జైల్లో పెట్టాలని కాంగ్రెసు సీనియర్ నేత వి. హనుమంత రావు వ్యాఖ్యానించారు. గాలి జనార్దన్ రెడ్డిని సమర్థించే తమ పార్టీ నాయకులను పార్టీ అధిష్టానం సమర్థించబోదని ఆయన శనివారం మీడియా ప్రతినిధులతో అన్నారు. గాలి జనార్దన్ రెడ్డి ప్రభుత్వ, ప్రైవేట్ భూముల్లో ఇష్టారాజ్యంగా తవ్వకాలకు పాల్పడ్డారని ఆయన ఆరోపించారు. ఈ విషయంపై తాను ప్రధాని మన్మోహన్ సింగ్ కు లేఖ రాయనున్నట్లు ఆయన తెలిపారు.

గాలి జనార్దన్ రెడ్డి హర్షద్ మెహతా కన్నా ఎక్కువ కుంభకోణానికి పాల్పడ్డారని ఆయన ఆరోపించారు. మెహతాను పెట్టినట్లు గాలి జనార్దన్ రెడ్డిని జైల్లో పెట్టాలని ఆయన అభిప్రాయపడ్డారు. గ్రేటర్ హైదరాబాద్ ఎన్నికల్లో కాంగ్రెసు అభ్యర్థుల ఓటమికి గాలి జనార్దన్ రెడ్డి వంద కోట్ల రూపాయలు పంపించారని ఆయన ఆరోపించారు. కృష్ణపట్నంలో నిల్వ ఉన్న ఇనుప ఖనిజాన్ని ప్రభుత్వం స్వాధీనం చేసుకోవాలని, ఓబుళాపురం ఖనిజాలను విశాఖ ఉక్కు కర్మాగారానికి తరలించాలని ఆయన డిమాండ్ చేశారు. కర్నాటక రాజకీయ వ్యవహారాల్లో బిజెపి నేతలు సుష్మా స్వరాజ్ కు, ఎం. వెంకయ్యనాయుడు ఎంత ముట్టిందో చెప్పాలని ఆయన డిమాండ్ చేశారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X