వైఎస్ జగన్ పైకి రావాలి: మోహన్ బాబు

హైదరాబాద్‌: వరసకు తనకు మేనల్లుడయిన వైఎస్‌ జగన్‌ ఉన్నత స్థానంలో ఉండాలని కోరుకుంటానని సినీనటుడు డాక్టర్‌ మోహన్‌బాబు అన్నారు. తాను ఏ పార్టీకి చెందిన వాడిని కాదని ఆదివారమిక్కడ ప్రైవేట్‌ వార్తా చానల్‌తో మాట్లాడుతూ అన్నారు. ముక్కుసూటిగా వ్యవహరించే తాను రాజకీయాలకు పనికిరానని చెప్పారు.

భగవంతుని దయ వల్లే తాను, తన కుటుంబం ఈ స్థితిలో ఉన్నామన్నారు. ప్రజల ఆశీస్సులే అవార్డులు, రివార్డులుగా భావిస్తానన్నారు. గడ్డి వేస్తే నందులు వస్తాయంటూ ఆయన వ్యంగ్యంగా వ్యాఖ్యానించారు. మోహన్‌బాబు సినిమా కెరీర్‌ ప్రారంభించి నేటికి 34 ఏళ్లు పూర్తయ్యాయి.