చంద్రబాబుకు రోశయ్య సవాల్

హైదరాబాద్‌: గ్రేటర్‌ హైదరాబాద్‌ ఎన్నికల్లో కాంగ్రెస్‌ కంటే తెలుగు దేశం పార్టీకి ఒక్క కార్పోరేటర్‌ సీటు ఎక్కువ వచ్చినా రాజీనామా చేస్తానని ముఖ్యమంత్రి రోశయ్య చంద్రబాబుకు సవాల్‌ విసిరారు.

గ్రేటర్‌ ఎన్నికల్లో ఓటమి భయంతోనే చంద్రబాబు కాంగ్రెస్‌ పార్టీపై అసత్య ఆరోపణలు చేస్తున్నారని విమర్శించారు. తొమ్మిదేళ్ల పాలనలో చంద్రబాబుపై ఎన్ని ఆరోపణలు వచ్చినా ఒక్క ఆరోపణపై కూడా విచారణ జరిపించలేదని ఎద్దేవాచేశారు. చంద్రబాబుకు చిత్తశుద్ది ఉంటే తనపై వచ్చిన ఆరోపణల్లో నిజం లేదని నిరూపించుకోవాల్సిన అవసరం ఉందన్నారు.