కెసీఆర్ దీక్షకు పోలీసుల అడ్డంకులు: హరీష్

మెదక్‌ : మెదక్‌జిల్లా సిద్దిపేటలో తెలంగాణ రాష్ట్రసమితి అధినేత చంద్రశేఖరరావు చేపట్టనున్న ఆమరణ నిరాహారదీక్షకు ఆటంకాలు సృష్టించేందుకు పోలీసులు ప్రయత్నిస్తున్నారని తెరాస శాసనసభ్యుడు హరీశ్‌రావు ఆరోపించారు. తెలంగాణలోని గ్రామాల్లోని యువకులను , మాజీనక్సల్స్‌ను పోలీసులు బెదిరిస్తున్నారని ఆయన డీఐజీ ఆర్‌కే మీనాకు ఫిర్యాదు చేశారు.

అయితే పోలీసులు ఇలాంటి చర్యలకు పాల్పడలేదని ఒక వేళ ఏదైనావుంటే నిరూపించమని డీఐజీ వారిని కోరారు. కేసీఆర్‌ నిరాహారదీక్షకు బందోబస్తు ఇవ్వడానికి ప్రయత్నాలు చేస్తున్నామని స్పష్టం చేశారు. కెసీఅర్ తలపెట్టిన ఆమరణ నిరాహారదీక్షకు రాజకీయ ప్రాధాన్యం ఉంది. తెలంగాణ వాదులను ఏకంచేయడానికి కెసీఅర్ సంసిద్ధులవుతున్నారు.