రెండు గంటల్లో పది శాతం ఓట్లు: కృష్ణబాబు

హైదరాబాద్: గ్రేటర్ హైదరాబాద్ ఎన్నికల్లో పది శాతం ఓట్లు పోలైనట్లు రాష్ట్ర ఎన్నికల సంఘం అధికారి ఎంటీ అధికారి కృష్ణబాబు చెప్పారు. పోలింగ్ ప్రశాంతంగా జరుగుతోందని ఆయన సోమవారం మీడియా ప్రతినిధులతో చెప్పారు. ఎన్నికల కోసం 30 వేల సిబ్బందిని వినియోగించినట్లు ఆయన తెలిపారు. కట్టుదిట్టమైన ఏర్పాట్లు చేసినట్లు ఆయన తెలిపారు. రాష్ట్ర, కేంద్ర సూక్ష్మ పరిశీలకులు పోలింగ్ తీరును పర్యవేక్షిస్తున్నట్లు ఆయన తెలిపారు.

సమస్యాత్మక ప్రాంతాల్లో వీడియోగ్రఫీని ఏర్పాట్లు చేసినట్లు ఆయన చెప్పారు. ఎలక్ట్రానికి పోలింగ్ యంత్రాలపై (ఇవియంలపై) ఫిర్యాదు తక్కువగా వచ్చాయని ఆయన చెప్పారు. ఈసారి మరింత అధునాతన యంత్రాలను వాడుతున్నట్లు ఆయన చెప్పారు. సమస్యాత్మక ప్రాంతాల్లో మరింతగా ఏర్పాట్లు కట్టుదిట్టం చేసినట్లు ఆయన తెలిపారు.