బాలయోగి కుమార్తె పెళ్ళికి ప్రముఖులు

విశాఖపట్నం: దివంగత లోక్‌ సభ స్పీకర్‌ జి.ఎం.సి.బాలయోగి కుమార్తె దీప్తి వివాహం దీపక్‌తో సింహగిరిపై నిరాడంబరంగా జరిగింది. ఉదయం 5.29 గంటలకు చందన వేదికపై ఏర్పాటు చేసిన కల్యాణ మండపంలో శాస్త్రోక్తంగా వివాహం నిర్వహించారు.. పార్క్‌ హోటల్‌లో రాత్రి రిసెప్షన్‌ ఏర్పాటు చేశారు. పార్టీలకు అతీతంగా నాయకులు, అధికారులు హాజరై నూతన దంపతులను ఆశీర్వదించారు. ఢిల్లీ నుంచి వచ్చిన క్యాబినెట్‌ మాజీ సెక్రటరీ టి.ఆర్‌.ప్రసాద్‌ శుభాకాంక్షలు తెలిపారు.

తూర్పుగోదావరి జిల్లా తెలుగుదేశం పార్టీ అధ్యక్షుడు నిమ్మకాయల చిన రాజప్పతో బొకే పంపించిన చంద్రబాబు ఫోన్‌లో నూతన దంపతులకు అభినందనలు తెలిపారు. ఎమ్మెల్సీ దాడి వీరభద్రరావు, అసెంబ్లీ మాజీ స్పీకర్‌ యనమల రామకృ ష్ణుడు, మాజీ ఎంపీ ఎం.వి.వి.ఎస్‌. మూర్తి, మాజీ మేయర్‌ డి.వి.సుబ్బారావు, ఎమ్మెల్యేలు రామానాయుడు, బాబూరావు, గంటా శ్రీనివాసరావు, కాంగ్రెస్‌ నేతలు కొణ తాల రామకృష్ణ, గండి బాబ్జీ, కన్నబాబు, ప్రజారాజ్యం పార్టీ నేత గణబాబు, పారిశ్రామికవేత్త ముళ్లపూడి హరిశ్చంద్రప్రసాద్‌, యార్లగడ్డ లకీప్రసాద్‌ హాజరై వధూవరులను ఆశీర్వదించారు.