గ్రేటర్ ఏర్పాట్లు బాధాకరం: చంద్రబాబు

హైదరాబాద్: గ్రేటర్ హైదరాబాద్ ఎన్నికల్లో రాష్ట్ర ఎన్నికల కమిషన్ ఏర్పాట్లు బాధాకరంగా ఉన్నాయని తెలుగుదేశం పార్టీ అధ్యక్షుడు నారా చంద్రబాబునాయుడు వ్యాఖ్యానించారు. సతీమణి భువనేశ్వరితో కలిసి ఆయన సోమవారం తన ఓటు హక్కును వినియోగించుకున్నారు. ఎన్నికల కోసం ఏర్పాట్లు చేయడంలో ఎన్నికల కమిషన్ విఫలమైందని ఆయన మీడియా ప్రతినిధులతో అన్నారు. ఓటరు రహస్యంగా ఓటేసే పరిస్థితి లేదని, ఇది ప్రజాస్వామ్యంలో సరైంది కాదని ఆయన అన్నారు.

ఏర్పాట్లు సరిగా చేయలేనప్పుడు ఎన్నికలు ఇప్పుడే నిర్విహంచాల్సింది కాదని ఆయన అన్నారు. పోలింగ్ బూతులు చాలా ఇరుగ్గా ఉన్నాయని ఆయన చెప్పారు. ఓటింగ్ విషయంలో రహస్యం పాటించే స్థితి లేదని ఆయన అన్నారు. దీనిపై ఎన్నికల కమిషన్ వెంటనే ప్రతిస్పందించాలని ఆయన డిమాండ్ చేశారు. తాము ఎన్నికల్లో ఇవియంల వాడకానికి వ్యతిరేకమని ఆయన చెప్పారు. ఏజెంట్లు, సిబ్బంది, ఓటర్లకు సరైన సౌకర్యాలు లేవని ఆయన అన్నారు.