ప్రేమ వైఫల్యంతో విద్యార్థిని ఆత్మహత్య

విజయవాడ: ప్రేమ వైఫల్యంతో కృష్ణా జిల్లా విస్సన్నపేటలో డిగ్రీ విద్యార్థిని రేణుక ఆత్మహత్య చేసుకుంది. ఆమె వికాస్ కళాశాలలో బిఎస్సీ మొదటి సంవత్సరం చదువుతోంది. రేణుక సోమవారం రాత్రి 11 గంటల ప్రాంతలో హాస్టల్ భవనంపై నుంచి దూకి ఆత్మహత్యా యత్నానికి పాల్పడింది. ఆమెను వెంటనే విజయవాడ ఆస్పత్రికి తరలించారు. అయితే ఆమె ఆస్పత్రిలో చికిత్స పొందుతూ మరణించింది.

రేణుక స్వగ్రామం నున్న. రేణుక ఆత్మహత్యపై పోలీసులు దర్యాప్తు చేస్తున్నారు. నిజానికి, విజయవాడలోని కార్పొరేట్ కళాశాలల్లో విద్యార్థినులు ఆత్మహత్యలకు పాల్పడడం ఇటీవలి కాలంలో పరిపాటిగా వస్తోంది. విస్సన్నపేట వంటి గ్రామీణ ప్రాంతాల్లోని కళాశాలల్లో అటువంటి సంఘటనలు అరుదు. రేణుక ఆత్మహత్య విస్సన్నపేటలో విషాదవాతావరణాన్ని నెలకొల్పింది.