అన్ని ప్రశ్నలకు నివేదిక జవాబు: లిబర్హాన్

న్యూఢిల్లీ: అయోధ్యలో బాబ్రీ మసీదు కూల్చివేతకు సంబంధించి అన్ని ప్రశ్నలకు తన నివేదిక సమాధానమిస్తుందని జస్టిస్ ఎంఎస్ లిబర్హాన్ అన్నారు. నివేదికను చదివి ప్రశ్నలు వేయాలని ఆయన మంగళవారం మీడియా ప్రతినిధులకు సూచించారు. నివేదికలో అన్ని ప్రశ్నలకు సమాధానాలున్నాయని, జర్నలిస్టులు వెళ్లిపోయి నివేదిక చదివి తన వద్దకు రావాలని ఆయన అన్నారు.

సోమవారంనాడు ఆయన మీడియా ప్రతినిధులపై విరుచుకుపడ్డారు. మంగళవారం మాత్రం ప్రశాంతంగా కనిపించారు. ఇక్కడి నుంచి వెళ్లిపోవాలని ఆయన సోమవారం కసురుకున్నారు. నివేదికను నేను లీక్ చేశానా అని ఆయన అడిగారు. మీడియా ప్రతినిధులు వేసిన ప్రశ్నలకు వేటికీ మంగళవారం ఆయన సమాధానమివ్వలేదు. సమాధానాలు ఇవ్వకుండా ఆయన తన నివాసంలోకి వెళ్లిపోయారు.