ఐఎస్ లింక్స్: తిరుపతిలో 4గురి అరెస్టు

తిరుపతి: పాకిస్తాన్ గూఢచార సంస్థ ఐఎస్ ఐతో సంబంధాలున్నాయనే అనుమానంతో పోలీసులు తిరుపతిలో నలుగురిని అదుపులోకి తీసుకున్నారు. గురువారం రాత్రి పోలీసులు వారిని అరెస్టు చేశారు. ఈ సంఘటన తిరుపతి పుణ్య క్షేత్రంలో కలకలం రేపింది. గత నాలుగు రోజులుగా వారు మంగళం రోడ్డులోని ఓ హోటల్లో వారు బస చేసినట్లు తెలుస్తోంది.

హైదరాబాద్ నుంచి వచ్చిన ప్రత్యేక నిఘా అధికారులు అదుపులోకి తీసుకున్నట్లు తెలుస్తోంది. వారు బంగ్లాదేశ్ జాతీయులని సమాచారం. విచారణ నిమిత్తం వారిని అజ్ఞాత ప్రాంతానికి తరలించినట్లు చెబుతున్నారు. అయితే నలుగురిని అదుపులోకి తీసుకున్న విషయాన్ని పోలీసులు ధ్రువీకరించడం లేదు.